भ्रमण बर्षलाई लक्षित गरी प्रेस युनियनको बैठक कोशी टप्पुमा

इटहरी । भ्रमण बर्ष २०२० लाई लक्षित गरी नेपाल प्रेस युनियन सुनसरी शाखाले प्रख्यात पर्यटकीय स्थल कोशी टप्पुमा बैठक बसेको छ । धनबहादुर पुरीको अध्यक्षतामा बसेको बैठकमा प्रेस युनियन सुनसरीका सक्रिय कार्यसमितिको उपस्थित रहेको थियो । नेपाल भ्रमण बर्षलाई सफल पार्नका लागि कोशी टप्पुमा बैठक आयोजना गरिएको पुरीले बताए । हामीले स्थानीय ठाउँहरुको प्रचारका लागि पनि यहाँ बैठक बसेका हौँ, उनले भने, कोशी टप्पु एउटा राम्रो पर्यटकीय स्थल भएकाले यो ठाउँमा भ्रमण बर्षमा लाखौँको संख्यामा पर्यटक ल्याउँन हामीले सञ्चारमाध्यमबाट पहल गर्नुपर्छ । उनले पर्यटन बर्षलाई सफल बनाउँनका लागि समेत अपिल गरे ।