ट्याक्टरले ठक्कर दिँदा वृद्धाको मृत्यु

उदयपुर : उदयपुरमा ट्याक्टरले ठक्कर दिँदा एक वृद्धाको मृत्यु भएको छ ।

जिल्लाको त्रियुगा नगरपालिका–२ मोथीहाईस्थित भित्री कच्ची सडकमा मधेश प्रदेश ०१–००१ त २५६४ नम्बरको टयाक्टरले ठक्कर दिँदा पैदलयात्री ७९ वर्षीया तेत्रीदेवी चौधरीको मृत्यु भएको हो ।

ट्याक्टर चालक स्थानीय २४ वर्षीय धर्मेन्द्र राजधामी फरार रहेकाले खोजी भइरहेको प्रहरीले जनाएको छ । घटनाबारे थप अनुसन्धान भइरहेको प्रहरीको भनाइ छ ।