इटहरीमा रहेको स्कील क्याम्पसले प्रविधिको प्रयोग गर्दै विद्यार्थीहरुलाई अध्यापन गराउने भएको छ ।
पछिल्लो समय कोरोना महामारीका कारण शिक्षा क्षेत्र धरासयी बन्ने भएकाले प्रविधिको प्रयोग गर्दै अध्यापन गराउन लागिएको क्याम्पसका प्रबन्ध निर्देशक प्रज्वल पराजुलीले जानकारी दिए ।
उनका अनुसार प्लस टु तथा स्नातक तहका विद्यार्थीहरुलाई पाठ्यक्रममा भएको बिषयलाई ट्याबमार्फत पढाउन लागिएको हो ।
शैक्षिक सत्र २०७७ का लागि भर्ना खुलेको जानकारी दिँदै पराजुलीले भने, ‘विद्यार्थीहरुलाई भर्ना हुँदा ट्याब दिनेछौं जसमा उनीहरुले अनलाइन तथा अफलाइन पढ्न सक्नेछन् ।’
क्याम्पसको सिकाइ तथा ब्यक्तित्व बिकासलाई नेतृत्व गरिरहेका नवीन कार्कीका अनुसार ट्याब मार्फत हुने अनलाइन पढाइले विद्यार्थीहरुका लागि सहज हुनेछ ।
क्याम्पसले होटल मेनेजमेन्टका विभिन्न छोटो अवधिका तालिमहरु सञ्चालन गरिरहेको छ भने तीन वर्षदेखि प्लस टु समेत सञ्चालन गर्दै आएको छ ।
साथै क्याम्पसले यसै वर्षदेखि प्रत्येक वर्ष एकजना पत्रकारका छोराछोरीलाई निःशुल्क अध्ययनको व्यवस्था गर्ने समेत बुझिएको छ ।
Discussion about this post