ब्राउनसुगरसहित तीन जना पक्राउ

झापा : झापाको भद्रपुर ५ र बिर्तामोड नगरपालिका ६ स्थितबाट लागूऔषध ब्राउनसुगरसहित तीन जनालाई प्रहरीले पक्राउ गरेको छ ।

वडा प्रहरी कार्यालय भद्रपुरबाट खटिएको प्रहरी टोलीले पैदलयात्री बिर्तामोड नगरपालिका ९ का विनोद मर्डीलाई १ ग्राम १९० मिलिग्राम ब्राउनसुगरसहित र अस्थायी प्रहरी चौकी बुट्टाबारीले अर्जुनधारा नगरपालिका ११ का सक्षम दर्नाल र अबिन उराउलाई २२० मिलिग्राम ब्राउनसुगरसहित पक्राउ गरेको हो ।

पक्राउ परेका तीनै जनामाथि थप अनुसन्धान भइरहेको प्रहरीले जनाएको छ ।