इटहरी : कोशी प्रदेशबाट राष्ट्रियसभा सदस्यमा नेपाली कांग्रेसका उम्मेदवार सुनील थापा निर्विरोध निर्वाचित भएका छन् ।
अन्य दलबाट उम्मेदवारी नपरेपछि थापा निर्विरोध राष्ट्रियसभा सदस्य निर्वाचित भएका हुन् ।
खुलातर्फ कसैको पनि उम्मेदवारी नपरेपछि थापा निर्विरोध निर्वाचित भएको निर्वाचन अधिकृतको कार्यालयले जनाएको छ ।
निर्वाचन कार्यतालिका अनुसार निर्विरोध निर्वाचित भएको आधिकारिक घोषणा भने आगामी पुस २७ गते गरिने निर्वाचन अधिकृतको कार्यालयले जनाएको छ ।
उनी पूर्वप्रधानमन्त्री सूर्यबहादुर थापाका छोरा हुन् । यसअघि राप्रपाबाट राजनीति गरेका थापा २०७७ सालमा नेपाली कांग्रेस प्रवेश गरेका थिए ।
राष्ट्रियसभामा नेकपाले हेमराज घिमिरेलाई उम्मेदवार बनाएको थियो । संखुवासभाबाट विराटनगर आउन ढिलो भएपछि थापा निर्विरोध भएका हुन् ।
Discussion about this post