इटहरी : ‘नझरेका फूलहरू’द्वारा सुप्रसिद्ध गायिका तथा अभिनेत्री पवित्र सुब्बालाई “नझरेका फूलहरू सम्मान–२०८२” प्रदान गरिएको छ।
आयोजक संस्थाका अध्यक्ष केपी घिमिरेका अनुसार संस्थाले आफ्नो नियमित कार्यक्रमअन्तर्गत स्रष्टा सम्मान शृङ्खलालाई निरन्तरता दिँदै आएको छ। कार्यक्रममा गीतकार सङ्घ नेपालका आजीवन सदस्य किरण टी लिम्बू सभापतिका रूपमा उपस्थित थिए भने कवि मनु मञ्जिल प्रमुख अतिथि थिए।
सञ्चारकर्मी लक्ष्मी मादेन, समाजसेवी राजेश श्रेष्ठ, व्यवसायी सूर्य भट्टराई तथा साहित्यकार पुरन याक्खा लगायत विशिष्ट अतिथिका रूपमा सहभागी थिए।
सम्मान साँझमा गायिका भूमा अधिकारी र गायक कृष्णराजा श्रेष्ठले सुब्बाका चर्चित गीतहरू प्रस्तुत गरेका थिए। सम्मान ग्रहणपछि सुब्बाले पनि आफ्ना लोकप्रिय गीतहरू प्रस्तुत गर्दै कार्यक्रमलाई थप रोचक बनाएकी थिइन्।
कार्यक्रममा धरान, विराटनगर, सुन्दरहरैँचा, पथरी, उर्लाबारी, दमक, बराहक्षेत्र, मिक्लाजुङ, बेलबारी, इनरुवा, रामधुनी, धनकुटा र सङ्खुवासभाबाटसमेत सर्जक तथा दर्शकहरूको उल्लेख्य सहभागिता रहेको थियो।
कार्यक्रममा राजु केसी, देवान किराती, जेबी थुलुङ, मणि गुरुङ, रामप्रसाद खरेल, गीताप्रसाद श्रेष्ठ, दुर्गा पराजुली, कविता पाँचकोटी, मोहन तिम्सिना, लक्ष्मीप्रसाद पराजुली, प्रदीप रेग्मी, श्रीप्रसाद पोखरेल, सुविद गुरागाईँ तथा अभिनेत्री एवं भिडियो निर्देशक कला सुब्बा लगायतको उपस्थिति रहेको थियो।
‘नझरेका फूलहरू’ संस्थाले विगत ११ वर्षदेखि स्रष्टा सम्मान, सांगीतिक प्रस्तुति तथा पलेँटी शृङ्खला सञ्चालन गर्दै आएको जनाएको छ।
Discussion about this post