इटहरी : उद्योग वाणिज्य संघ इटहरीको आगामी निर्वाचनअघि नै तीन पदमा नवराज काफ्ले समूहका उम्मेदवार निर्विरोध निर्वाचित भएका छन्।
निर्वाचन समितिका अनुसार एशोसियट सदस्यतर्फ विनोद पौडेल तथा वस्तुगत सदस्यतर्फ सञ्जोग पराजुली र सुरेश कार्की निर्विरोध निर्वाचित भएका हुन्।
उनीहरू तीनै जना अध्यक्षका उम्मेदवार काफ्ले नेतृत्वको प्यानलबाट चुनावी मैदानमा रहेका थिए। सम्बन्धित पदमा उनीहरूविरुद्ध अन्य उम्मेदवारी नपरेपछि निर्विरोध निर्वाचित भएको निर्वाचन समितिले जनाएको छ।
उद्योग वाणिज्य संघ इटहरीको नयाँ नेतृत्व चयनका लागि असार २७ गते निर्वाचन हुँदैछ। अध्यक्ष पदमा काफ्ले र गायत्री कटवाल भण्डारीबीच प्रतिस्पर्धा हुने भएको छ।
निर्विरोध निर्वाचित सदस्यहरूको घोषणासँगै काफ्ले समूहले निर्वाचनअघि नै केही पदमा सफलता हासिल गरेको छ। यसले आगामी निर्वाचनको माहोललाई थप रोचक बनाएको व्यवसायीहरू बताउँछन्।
संघको नयाँ कार्यसमिति चयनका लागि विभिन्न पदमा उम्मेदवारहरू चुनावी प्रचारप्रसार र मतदाता भेटघाटमा सक्रिय रहेका छन्।
Discussion about this post