विराटनगर : विभिन्न मुद्दामा अदालतबाट दोषी ठहर भई फरार रहेका १६ जना प्रतिवादीहरूलाई कोशी प्रदेश प्रहरी कार्यालय विराटनगरले खोजतलासको क्रममा फेला पारी पक्राउ गरेको छ ।
अपराध नियन्त्रण गरी समाजमा शान्ति सुरक्षा व्यवस्था प्रभावकारी बनाउन तथा कानून कार्यान्वयन गर्दै आम नागरिकमा प्रभावकारी प्रहरी सेवा प्रदान गर्न परिचालन भएको प्रहरी टोलीले खोजतलासको क्रममा असोज २१ गते (बुधबार) पक्राउ गरेको हो ।
पक्राउ पर्नेमा मोरङबाट १० जना, झापाबाट ४ जना, सुनसरी १ जना र ओखलढुङ्गाबाट १ जनालाई पक्राउ गरेको हो ।
पक्राउ परेकाहरूबाट ५ वर्ष ३ महिना ११ दिन कैद सजाय र ३ लाख ३४ हजार ५ सय रुपैँया जरिवानावापतको रकम असुल उपर भएको छ भने उनीहरूलाई कैद भुक्तानको लागी कारागार पठाइएको छ ।
Discussion about this post