अहिले कोरोना भाइरसका कारण मुलुक लकडाउनमा छ । तर, लकडाउन भएपनि लुकिछिपी अपराधिक क्रियाकलाप गर्ने गिरोहरु सक्रिय छन् । कहिले काठ तस्करी, जंगल फडानी त कहिले लागूऔषध ।
यहि क्रममा सुनसरीमा रहेको शशस्त्र प्रहरी बलले अपराधिक गतिविधिमा संलग्न गिरोहहरुलाई धमाधम पक्राउ गर्न थालेको छ ।
मंगलबार सुनसरीको सीमा नजिकबाट ठूलो परिमाणको लागूऔषधसहित सुनसरीको कोशी गाउँपालिकाका १९ बर्षीय रोशन झा पक्राउ परेको सुनसरी शशस्त्र प्रहरी बल ४ नं. गणका गणपति एसपी कृष्ण ढकालले टाकुरान्यूजलाई जानकारी दिए ।
उनका अनुसार उनी लुकिछिपी हिड्दै गरेको अवस्थामा बराहक्षेत्र ८ प्रकाशपुरबाट झा लाई शशस्त्र प्रहरीले पक्राउ गरेको हो । उनले टाकुरासँग भने, ‘हामीले यसअघि पनि लागूऔषधका घटनामा संलग्नहरुलाई पक्राउ गरिरहेका थियौँ, अहिले लकडाउनको मौका छोपेर अपराधिक क्रियाकलापमा संलग्न सक्रिय छन् ।’
स १० प ४६९२ नम्बरको अपाचे मोटरसाइकल सहित झा लाई शशस्त्रले ठूलो परिमाणको लागूऔषधसहित पक्राउ गरेको उनले बताए । थप अनुसन्धानका लागि उनलाई जिल्ला प्रहरी कार्यालय सुनसरीमा जिम्मा लगाईएको ढकालले बताए । यसअघि पनि विभिन्न पटक लकडाउनको समयमा शशस्त्रले लौकही ईलाकामा भारी मात्रामा लागूऔषधसहित पक्राउ गरेको जनाएको छ ।
‘काम नपाएका कारण खानमा पनि समस्या छ, चोरी गर्ने स्थिति पनि छैन,’ ढकालले टाकुरान्यूजसँग भने, ‘अहिले हामीले मानिस सँगै लागूऔषध पनि पक्राउ गरेपछि केही मात्रामा गिरोहहरु न्यूनीकरण भएका छन् ।’ उनले अहिले प्रहरीहरु लकडाउनलाई कार्यान्वयन गराउँन व्यस्त रहेका कारण काठ तस्करी गर्नेहरु पनि सक्रिय रहेकाले आँफूहरुले त्यतातिर पनि गस्ती गर्ने गरेको उनले बताए ।
उनका अनुसार लकडाउन अवधिभरी अहिलेसम्म सुनसरीमा ५ जना ठूलो परिमाणको काठसहित पक्राउ परेका छन् ।
Discussion about this post