इटहरीमा रहेको पूर्वकै प्रतिष्ठित क्याम्पस जनता बहुमुखी क्याम्पसको क्याम्पस प्रमुखमा प्रा. डा गीता अधिकारीलाई जिम्मेवारी दिईएको छ ।
२५ गते बिहीबार (भोलिबाट) लागू हुने गरी कामकारबाही सहित क्याम्पस प्रमुखको जिम्मेवारीमा अधिकारीलाई जिम्मेवारी दिईएको हो ।
आज बसेको व्यवस्थापन समितिको बैठकले अधिकारीलाई क्याम्पस प्रमुखका लागि जिम्मेवारी दिर्ईएको हो ।
क्याम्पस स्थापना भएको ३२ बर्षपछि छैठौँ क्याम्पस प्रमुखको रुपमा पहिलोपटक महिलालाई जिम्मेवारी दिईएको हो ।
आँफूले क्याम्पस प्रमुखको जिम्मेवारी पाएपछि विद्यार्थीको हकहितका लागि काम गर्ने अधिकारीले बताईन् ।
उनले टाकुरासँग भनिन्, ‘विद्यार्थीको हक हितका लागि काम गर्नेछु, अहिले कोभिड १९ का कारण केही काम गर्नै पाईएको छैन, क्याम्पसमा भएका नकारात्मक कुराहरुलाई चिर्दै सकारात्मक बाटोमा क्याम्पसलाई डोहोर्याउने सोच बनाएकी छु ।’
सबैको सल्लाह लिएर कार्यविधिलाई अवलम्वन गर्ने उनको भनाई थियो ।
२०५६ आश्विन २ गतेदेखि इटहरीको जनता बहुमुखी क्याम्पसमा अध्यापन गराउँदै आएकी उनी इटहरी लेडी जेसीज २००५ को अध्यक्ष, लायन्स क्लब अफ इटहरी क्रियटिभ लेडी चार्टर प्रेसिडेन्ट, रेडक्रस लगायतका संस्थामा रहेर काम गरेकी छिन् ।
२०६७ सालदेखि जनता बहुमुखी क्याम्पसमा सहायक क्याम्पस प्रमुखको रुपमा कार्यरत रहेकी उनले केही समय अगाडि मात्रै विद्याबारिधी गरी आफ्नो नामको अगाडि डाक्टर लेखाएकी थिईन् ।
यो पनि – ‘अदम्य साहस र हिम्मतले नामको अगाडि डाक्टर लेखाउँन सफल भएँ’
Discussion about this post