सेयर बजारमा २१.१६ अंकको गिरावट, इन्फ्रास्टक्चर बैंकले सबैभन्दा बढी गुमायो

सेयर बजारमा २१.१६ अंकको गिरावट आएको छ । सेयर बजार समग्रमा ०.८१ प्रतिशतले घटेको हो ।

बजार २५८६.५१ अंकमा अडिएको छ । आज ८ अर्ब ५६ करोड १५ लाख रुपैयाँ बराबरको सेयर कारोबार भएको छ । कारोबारमा आएको ट्रेडिङ बाहेक सबै समूहमा गिरावट आएको हो ।

४ वटा कम्पनीको सेयर मूल्य ९ प्रतिशतभन्दा माथि बढेको छ । ३ वटा कम्पनीको सेयर ५ प्रतिशत भन्दा माथि बढेको छ । नेपाल फाइनान्स लिमिटेडले सबैभन्दा बढी कमाएको छ भने नेपाल इन्फ्रास्टक्चर बैंकले सबैभन्दा बढी गुमाएको छ ।

बैंकको सेयरमा पहिलो पटक नकारात्मक सर्किट लागेको हो । एकैदिन यसको सेयर मूल्य ६६ रुपैयाँले घटेको हो ।