धरान : धरान उपमहानगरपालिकाका मेयर हर्क साम्पाङले धरान बजारमा पानी ल्याएसँगै खुशीयाली मनाइएको छ ।
साम्पाङको अभियान अन्तर्गत धरानको सर्दु, खर्दु र निशाने खोलाबाट १० इन्चे पाइपमा पानी धरान १३ को जानकी चौक आइपुगेसँगै खुशीयाली मनाइएको हो ।
पानी ल्याएको भिडियो सामाजिक सञ्जालमा सेयर गर्दै साम्पाङले सहयोग गर्ने सबैलाई धन्यवाद दिएका छन्।
निशाने खोलाको दोभानबाट सोमबार साँझ पानी जानकी चौक आइपुगेको अवसरमा धरानेहरू खुसीले रमाएका थिए । साथै श्रमदानमा निरन्तर खटिएकाहरू नुहाएका थिए ।
स्वतन्त्रबाट मेयरमा निर्वाचित भएका साम्पाङले स्थानीय तह निर्वाचनताका धरानमा खानेपानीको समस्या समाधान गर्ने चुनावी मुद्दा बनाएका थिए ।
तस्वीरहरू : सामाजिक सञ्जाल ।
Discussion about this post