इटहरी : कोसी प्रदेश सरकारका सामाजिक विकास मन्त्री बुद्विकुमार राजभण्डारीको घरमा प्रदेशको नामकरणका विषयमा असन्तुष्ट भएको समूहले तोडफोड गरेको छ ।
काठमाण्डौँको पेप्सीकोलास्थित घरमा पहिचानको आधारमा प्रदेशको नामकरण गरिनुपर्छ भन्ने माग राख्दै तोडफोड गरिएको हो ।
३०–३५ जनाको समूहमा आएका प्रदर्शनकारीहरूले घरमा तोडफोड गरेको राजभण्डारीका स्वकीय नूतन श्रेष्ठले बताए । नाराबाजी गर्दै उनीहरूले राज भण्डारीको घरको गेटमा तोडफोड गरेका हुन् ।
प्रदेशको नामकरणका विषयमा असन्तुष्टि जनाउँदै उनीहरूले घरमा तोडफोड गरेको मन्त्री राजभण्डारीको सचिवालयले जनाएको छ ।
तोडफोडका बेला मन्त्री भण्डारीका आमा र श्रीमती मात्रै थिए । उनीहरूले घरमा कालो झन्डा समेत गाडेका छन् ।
Discussion about this post