इनरुवा : सुनसरीको इनरुवा नगरपालिकामा नेपाली कांग्रेसका जिल्ला सभापति केदार भण्डारी विजयी भएका छन् ।
भण्डारीले कुल ११,८२४ मत प्राप्त गर्दै विजयी भएका हुन् । उनका प्रतिद्वन्दी नेकपा एमालेका सरोज पोखरेलले ९,०५३ मत प्राप्त गरे ।
यस्तै, उपमेयरमा कांग्रेसकी विनिताकुमारी मेहताले ११,४८० मत प्राप्त गर्दै विजयी भइन् । यस्तै, नेकपा एमालेकी सहजादी परविनले ९,५३७ मत प्राप्त गरिन् ।
मेयरमा निर्वाचित भण्डारी २०५४ सालमा नेपाल बार एसोसिएसन सुनसरीको अध्यक्ष, २०५६ मा प्रजातान्त्रिक कानून–व्यवसायी सङ्घ (डिएलए) को केन्द्रीय उपाध्यक्ष, २०६० नेपाल बार एसोसिएसनको केन्द्रीय उपाध्यक्ष, २०६३ मा नेपाली कांग्रेस सुन्सरीको जिल्ला सदस्य तथा २०६७ मा कांग्रेस सुनसरीको निर्वाचित जिल्ला सचिव भई नेतृत्व क्षमता स्थापित गरेका भण्डारी हाल कांग्रेस जिल्ला सभापति छन् ।
Discussion about this post