तीन दिनदेखि वेपत्ता भएका धरानका दुईजना बालक इटहरीमा फेला परेका छन् । माघ २६ गते धरान–१५ दशरथपथ बस्ने १२ वर्षीय शंकल्प लिम्बू र धरान–८ बरगाछी बस्ने ११ वर्र्षीय सुन्दर तामाङ बेपत्ता भएका थिए ।
उनीहरु धरान ८ स्थित शहीद स्मृति माविमा कक्षा ५ अध्ययनरत छन् । इटहरीस्थित भ्वाइस अफ चिल्ड्रेन संस्थाका परिचालकले तामाङ र लिम्बुलाई धरानको स्कुलको ड्रेसमा मंगलबार बेलुका घुमिहिडेको देखेपछि सोधपुछ गरेर कार्यालयमा राखेका थिए ।
इलाका प्रहरी कार्यालयका प्रहरी नायव उपरीक्षक ज्ञानेन्द्र बस्नेतले वेपत्ता भनिएका बालकहरु फेला परेकाले उनीहरुका अभिभावकलाई सम्पर्क गरेर जिम्मा दिने तयारी भइरहेको जानकारी दिए ।
Discussion about this post