इटहरी : सुनसरीमा रहेका एक सय ६६ वटा मतदान स्थलमध्ये ५९ वटा मतदान स्थल अति संवेदनशील मानिएको छ ।
यही ४ गते हुने प्रतिनिधिसभा र प्रदेशसभा सदस्य निर्वाचनमा जिल्लाका ५९ मतदान स्थललाई अति संवेदनशीलको रूपमा वर्गीकरण गरिएको प्रमुख जिल्ला अधिकारी इन्द्रदेव यादवले जानकारी दिए ।
उनका अनुसार जिल्लाका मतदान स्थलहरुलाई सुरक्षा संवेदनशीलताका आधारमा तीन प्रकारमा वर्गीकरण गरिएको छ । सामान्य मतदान स्थल ४२, संवेदनशील ६५ र अति संवेदनशीलमा ५९ वटा स्थललाई वर्गीकरण गरिएको यादवले बताए ।
उनका अनुसार जिल्लामा म्यादी प्रहरी र नेपाली सेनासहित पाँच हजार दुई सय ७४ सुरक्षाकर्मी परिचालन गरिएको छ ।
एक हजार पाँच सय ८१ जना नेपाल प्रहरी, दुई हजार चार सय ९५ जना म्यादी प्रहरी, सात सय ३९ जना सशस्त्र प्रहरी, चार सय ४० जना नेपाली सेना र राष्ट्रिय अनुसन्धानबाट १९ जना परिचालन गरिएको यादवले बताए ।
Discussion about this post