झापा : झापाको दमकमा मरेका माछा र प्रतिबन्धित माहुर जातका माछा बरामद गरेको छ । इलाका प्रहरी कार्यालय दमक र नगर प्रहरीको टोलीले करिब दुई टन माछा बरामद गरेर नष्ट गरेको हो ।
दमक नगरपालिका उपप्रमुख एवं बजार अनुगमन समिति संयोजक रेगिना भट्टराईका अनुसार होटल तथा माछा पसलमा भारतबाट आउने मरेका माछा फर्मालिन प्रयोग गरेर राखिने र सोही बिक्री वितरण हुनेगरेको सूचना पाएपछि यसमा कडाइ गरिएको हो ।
अनुगमन समितिको टोलीले राति साढे १० बजे भारतीय मरेका माछा र प्रतिबन्धित माहुर जातिको माछा बरामद गरेको उनले बताइन् ।
माछा आयात गर्दा क्वारेनटाइन तथा जाँच पासको प्रमाणपत्र अनिवार्य चाहिनेमा त्यो बेगर नै चोर बाटो गरेर सस्तोमा भारतबाट मरेको माछा ल्याएर दमकसहित आसपासका क्षेत्रमा बिक्री हुँदैआएको छ ।
झापाका स्थानीय तहहरूले भारतीय माछा बिक्री वितरणमा प्रतिबन्ध गर्ने निर्णय पनि गरेका थिए ।
Discussion about this post