इटहरी : २५ औं अन्तराष्ट्रिय युवा दिवसको अवसरमा सामाजिक क्षेत्रका विभिन्न संघ संस्थाहरूले संयुक्त रूपमा “राजनीतिमा युवा महिला सहभागिता: अवसर र चुनौती” विषयक प्यानल छलफल आयोजना गरेका छन्।
कार्यक्रम इटहरी नगर महिला सञ्जाल, लेडी जेसीज, युवा विकास केन्द्र, महिला पुनःस्थापना केन्द्र र तरंगिनी फाउण्डेसनको संयुक्त आयोजनामा सम्पन्न भएको हो।
कोशी प्रदेश सभा सदस्य मीना श्रेष्ठको प्रमुख आतिथ्यतामा सम्पन्न कार्यक्रममा महिला सहभागिता संख्यात्मक मात्र नभएर गुणात्मक र संरचनात्मक विषय भएको, पितृसत्तात्मक समाजमा महिलालाई नेतृत्वमा स्वीकार गर्न सामाजिक, राजनीतिक र शैक्षिक अवरोधहरू रहेको विषयमा चर्चा भयो।
कार्यक्रममा प्रसिद्ध कवि मनु मञ्जिल, अधिवक्ता शोभा बजागाईँ, इटहरी लेडी जेसीजकी पूर्व अध्यक्ष भेषजा काफ्ले र विद्यार्थी नेता चन्द्र किराती वक्ताका रूपमा सहभागी थिए।
कार्यक्रमको सहजिकरण तरंगिनी फाउण्डेसनकी कार्यक्रम अधिकृत रुमा रिजालले गरेकी थिइन्।
कार्यक्रममा सहभागी विभिन्न कलेजका विद्यार्थीहरूले स्वतन्त्र विद्यार्थी युनियन निर्वाचनमा प्रलोभन वितरणको असर, राजनीतिक प्रशिक्षणका अवसरहरू र राजनीतिक सचेतना विकासका उपायहरूबारे प्रश्न गरेका थिए।
Discussion about this post