इटहरी : कोशी प्रदेशसभा सचिवालय मोरङको कटहरीमा सरेको छ । कटहरीस्थित फलफूल तथा कृषि थोक बजारबाट प्रदेशसभा सचिवालय सञ्चालनमा आएको हो ।
२४ भदौमा जेनजी आन्दोलनका कारण कोशी प्रदेश सभा भवन ध्वस्त भएपछि कटहरी गाउँपालिकाको कृषि बजार भवनमा बुधबार सरेको छ ।
आन्दोलनपछि विराटनगरकै वीरेन्द्र सभागृहलाई प्रयोग गर्ने तयारी भए पनि अवलोकनपछि त्यो स्थान प्रयोगका लागि योग्य ठहर नहुने देखिएपछि बैठक र सचिवालय दुवै कटहरीस्थित कृषि भवन परिसरमा सार्ने निर्णय गरिएको थियो ।
तरकारी बजारका लागि कटहरी गाउँपालिका–१ जमटोकीमा १३ करोड ७६ लाख ५४ हजार ७ सय १० रुपैयाँमा संरचना बनाइएको थियो ।
सभामुख अम्बरबहादुर विष्टको अध्यक्षतामा बसेको सचिवालय व्यवस्थापन तथा सञ्चालन समितिको बैठकले यस्तो निर्णय गरेको हो ।
कोशी प्रदेश सभाको सातौं अधिवेशन गत असोज १० गते अन्त्य भएको थियो ।
Discussion about this post