इटहरी : नेपाली कांग्रेस इटहरी उपमहानगरपालिका–२० मा चुनावी भेला आयोजना गरिएएको छ।
कार्यक्रममा पार्टीका पूर्व केन्द्रीय सदस्य एवम् कांग्रेस सुनसरीका प्रचार–प्रसार संयोजक राजीव ढुंगानाले यस क्षेत्रमा कांग्रेसलाई जिताउन मतदाता उत्साहित भएको बताए।
खासगरी कोइराला वेदाग छविका रहेको उल्लेख गर्दै उनले कांग्रेसको जित भएमा मात्र सदनमा दर्विलो आवाज उठ्ने बताए। उनले हरेक टोल–टोलमा मतदातासँग प्रत्यक्ष भेटघाट र संवादकै माध्यमबाट कांग्रेसको मजबुत परिणाम सुनिश्चित गर्नुपर्ने बताए।
कार्यक्रममा कांग्रेस केन्द्रीय सदस्य दिलकुमारी राई, कोशी प्रदेशका सदस्य सिजन गुरूङ, जिल्ला उपसभापति नगेशचन्द्र राई, नेविसंघका पूर्व केन्द्रीय उपसभापति विकास केसी, निवर्तमान क्षेत्रीय सभापति मणिराम श्रेष्ठ, क्षेत्र नं. २ (क)का सभापति सुबेक्छु देवान, अग्रज नेता दिनेशचन्द्र गिरीलगायतले सम्बोधन गर्दै कांग्रेस एकढिक्का भएर पार्टीलाई जित दिलाउन लागिपरेको बताए।
इटहरी २० का सभापति अर्जुन बस्नेतले घरदैलो अभियानलाई तीव्रता दिनुपर्नेमा जोड दिएका थिए।
भेलामा वक्ताहरूले आगामी फागुन २१ गते हुने प्रतिनिधिसभा सदस्य निर्वाचनमा सुनसरी क्षेत्र नं. २ मा राजीव कोइरालालाई विजयी गराउन सबै नेता–कार्यकर्तालाई सक्रिय रहन आह्वान गरेका थिए।
आयोजकका अनुसार भेलाले कार्यकर्तामा ऊर्जा थपेको छ।
शनिबार कांग्रेसले कोइरालाको जीत सुनिश्चित गर्न इटहरीका १० वडामा र्याली गर्ने तयारीसमेत गरेको जनाएको छ।
Discussion about this post