काठमाडौँ : सरकारले आगामी आर्थिक वर्षका लागि २१ खर्ब २४ अर्ब ३४ करोड रुपैयाँ बराबरको बजेट सार्वजनिक गरेको छ।
शुक्रबार अर्थमन्त्री डा.स्वर्णिम वाग्लेले उक्त बजेट प्रस्तुत गर्दै विभिन्न शीर्षकमा विनियोजनको विवरण सार्वजनिक गरेका हुन्।
पूँजीगत खर्चतर्फ ४ खर्ब ३१ अर्ब रुपैयाँ छुट्याइएको छ भने वित्तीय व्यवस्थापनतर्फ ४ खर्ब २२ अर्ब विनियोजन गरिएको छ। चालु खर्चका लागि १२ खर्ब ७० अर्ब छुट्याइएको छ।
राजस्व संकलन लक्ष्य १४ खर्ब ४ अर्ब रुपैयाँ राखिएको छ। त्यस्तै, वैदेशिक अनुदान ६१ अर्ब ७४ करोड र वैदेशिक ऋण २ खर्ब ४७ अर्ब हुने अनुमान गरिएको छ।
आन्तरिक ऋणमार्फत ४ खर्ब १० अर्ब रुपैयाँ जुटाइने सरकारको योजना छ।
पूर्णपाठ
Discussion about this post