इटहरी : इटहरीस्थित एक होटलबाट लागूऔषधसहित एक युवक पक्राउ परेका छन्।
आइतबार साँझ ५ः५० बजेतिर इटहरी उपमहानगरपालिका–४ स्थित डोजिन होटल एण्ड खाजा घरमा लागूऔषध कारोबार भइरहेको भन्ने सूचनाका आधारमा इलाका प्रहरी कार्यालय इटहरी र कोशी प्रदेश प्रहरी कार्यालय विराटनगरबाट खटिएको संयुक्त प्रहरी टोलीले छापा मारेको थियो।
प्रहरीले इटहरी–६ निवासी २२ वर्षीय विवेक साहलाई चेकजाँच गर्दा उनको साथबाट ट्रामाडोल ३९० क्याप्सुल र डाइसाइक्लोमाइन ३९० ट्याब्लेट गरी जम्मा ७८० क्याप्सुल तथा ट्याब्लेट बरामद गरेको जनाएको छ।
बरामद लागूऔषधसहित साहलाई नियन्त्रणमा लिई इलाका प्रहरी कार्यालय इटहरीमा राखेर लागूऔषध सम्बन्धी कसुरमा थप अनुसन्धान भइरहेको प्रहरीले जनाएको छ।
Discussion about this post