झापा : कोशी प्रदेशका मुख्यमन्त्री हिक्मत कुमार कार्कीले आफ्नो निर्वाचन क्षेत्रका जनतासँग भेटघाट तथा विकास निर्माणको अनुगमन गरेका छन् ।
मुख्यमन्त्री कार्कीले झापाको कमल गाउँपालिका ३ सानो केर्खामा निर्माण हुनलागेको चिल्ड्रेन पार्क निर्माण स्थलको निरीक्षण गरेका हुन् ।
गाउँपालिकाको वडा नम्बर ३ मा पर्ने चिल्ड्रेन पार्क निर्माण स्थल १२ कठ्ठा क्षेत्रफलमा निर्माण हुन लनगेको छ ।
पार्क निर्माण स्थलको निरीक्षणपछि मुख्यमन्त्री कार्कीले शहरी विकास कार्यालय इलामका प्रमुख मिलन आचार्यलाई स्थानीयबासीको सहकार्यमा काम गर्न निर्देशनसमेत दिए ।
पार्कसम्म जानका लागि गत वर्ष पर्यटन मन्त्रालय विराटनगरको २५ लाख रुपैयाँको लागतमा ५८ मिटर लम्बाई र साढे ३ मिटर चौडाईको सडकमा ब्लक लगाउने काम सम्पन्न भएको स्थानीय टीकाराम भण्डारीले बताए ।
पार्कमा स्वमिङ पुल, बच्चालाई खेल्ने विभिन्न प्रकारमा सामान, चमेना गृह, खुल्ला जिम खाना रहने गरीको प्रस्ताव पेस गरेको वडाध्यक्ष अग्निप्रसाद कोइरालाले जानकारी दिए ।
यसका साथै मुख्यमन्त्री कार्कीले आफ्नो निर्वाचन क्षेत्रअन्तर्गत रहेका विभिन्न योजनाको अनुगमन निरीक्षण गरेका थिए ।
Discussion about this post