इटहरी : इटहरीका स्थानीय व्यापारीहरूले अवरोध गरेपछि उद्घाटनमा अवरोध भएको जुत्ता–चप्पल मेला दस दिन लगाउने सहमति भएको छ ।
शनिबार सहमति भएसँगै आइतबार औपचारिक रूपमा उद्घाटन हुने भएको छ ।
उद्योग वाणिज्य संघ इटहरीमा मेला आयोजक समितिसहित उवासंघ इटहरीका पदाधिकारी र रेडिमेड व्यवसायी संघ इटहरीबीच सर्वपक्षीय छलफल भएको थियो ।
छलफलका क्रममा एक महिना लामो मेलाको अवधि घटाएर १० दिनमा लगाउने भएको हो ।
शुभकामना फुटवेयर इन्ड्रष्ट्रिज प्रालिले जुत्ता–चप्पल मेला लगाउने प्रशासनको अनुमति लिएर मेला सुरुवात गर्न लागेको भएपनि इटहरीका व्यापारीहरूले स्थानीय व्यापारमा ह्रास आउने भन्दै मेला सञ्चालनमा अवरोध गरेका थिए ।
यो पनि – जुत्ता मेला लगाउने आयोजकलाई इटहरीका व्यापारीहरूले ‘हाम्रो भाग खोस्न आउनुभयो’ भनेपछि…
Discussion about this post