इटहरी : नेपाली कांग्रेसले सुनसरी क्षेत्र नं. ४ मा ज्ञानेन्द्रबहादुर कार्कीको एकल नाम सिफारिस गरेको छ ।
नेपाल सरकारका प्रवक्ता तथा सञ्चारमन्त्री समेत रहेका कार्की दोस्रोपटक निर्वाचन लड्ने भएका हुन् ।
यसअघि पटकपटक भोजपुरबाट पराजित भएपछि कार्की ०७४ सालको निर्वाचनमा सुनसरी ४ बाट चुनाव लडेका थिए ।
२०७४ मा अर्थमन्त्री रहँदा कार्कीले चुनावमा जित निकालेका थिए । आगामी मंसिर ४ मा हुने निर्वाचनमा उनले सोही परिणाम दोहोर्याउने रणनीतिसहित आफ्नो क्षेत्रका मतदातासँग परामर्श गरिरहेका छन् ।
यसअघि गत स्थानीय तहको निर्वाचनमा उनको क्षेत्रमा पर्ने चारवटै स्थानीय तहमा नेपाली कांग्रेसले जित हासिल गरेको छ ।
Discussion about this post