विराटनगर : विराटनगर महानगरपालिकाले तीनजना नगर प्रहरीलाई जागिरबाट हटाएको छ ।
जनता समाजवादी पार्टी मोरङका अध्यक्ष राजकुमार यादवलाई दुर्व्यवहार गरेको भन्दै महानगरले तीनजनालाई कारबाहीस्वरूप कामबाट हटाएको हो ।
जागिरबाट हटायएकाहरुमा नगर प्रहरी हवल्दार रमेश निरौला, जवानहरू विक्रम श्रेष्ठ र बब्लु केशरी रहेका छन् ।
भदौ २७ गते ४ः३० बजे विराटनगर महानगरपालिका क्षेत्रमा ट्राफिक व्यवस्थापन कार्यको लागि खटिएका नगर प्रहरीले यादवलाई हातपात गरेको आरोप छ । पार्किङको विषयमा विवाद भएपछि यादवमाथि नगर प्रहरीले लछारपछार पार्दै हातपात गरेका थिए ।
कोसी अस्पताल अगाडि रहेको स्नेहा फार्मेसी अगाडि सिटीलाई नगर प्रहरीले ह्वील लक गरेको थियो । ह्वील लकका विषयमा फार्मेसीका सञ्चालक तथा जनता समाजवादी पार्टी मोरङका अध्यक्षसमेत रहेका यादवसँग विवाद भएको थियो ।
विवादका क्रममा हातपात गरेको भन्दै महानगरपालिका प्रमुख नागेश कोइरालाले तीन जना नगर प्रहरीहरूलाई सोमबारबाट लागु हुने गरी जागिरबाट पत्र सार्वजनिक भएको छ ।
Discussion about this post