विराटनगर : कोशी प्रदेश सरकारको मन्त्रिपरिषद् बैठकले प्रदेश योजना आयोगमा दुई सदस्य नियुक्त गरेको छ । बैठकले विराटनगरका तोयानाथ खतिवडा ‘रुपेश’ र खोटाङकी हरिकुमारी राईलाई प्रदेश योजना आयोगमा नियुक्त गर्ने निर्णय गरेको हो ।
कोशी प्रदेश सरकारका आन्तरिक मामिला तथा कानुनमन्त्री गोम्बु शेर्पाका अनुसार बैठकले मुख्यमन्त्री सम्मेलनको मिति पनि परिवर्तन गरेको छ । यसअघि असोज २२ र २३ गते गर्ने निर्णय भएको सम्मेलन अब असोज २७ र २८ गते आयोजना गर्ने निर्णय भएको उनले बताए ।
त्यस्तै, मन्त्रिपरिषद् बैठकले विराटनगरमा रहेको गिरिजाप्रसाद कोइराला क्रिकेट रंगशालालाई प्रदेश गौरवको आयोजनाका रूपमा निर्माण गर्ने निर्णय गरेको मन्त्री शेर्पाले बताए ।
प्रदेश सरकारले क्रिकेट रंगशालालाई प्रदेश गौरवको आयोजनाका रूपमा अघि बढाउने निर्णय गरेको हो । बैठकका अन्य निर्णयबारे भने सरकारले औपचारिक रूपमा विस्तृत जानकारी सार्वजनिक गरेको छैन।
Discussion about this post