उदयपुर । उदयपुरको कटारी नगरपालिका वडा नम्बर ८ मा शनिबार दिउँसो चट्याङमा लागेर एक जना युवाको ज्यान गएको छ ।
जिल्ला प्रहरी कार्यालय उदयपुरले दिएको जानकारी अनुसार शनिबार दिउसोे अढाई बजेको समयमा कटारी नगरपालिका वडा नं. ८ बस्ने वर्ष ३५ का रुद्रबहादुर तामाङको चट्याङ लागर ज्यान गएको हो ।
जिल्ला प्रहरी कार्यालय उदयपुरका अनुसार तामाङ आफ्नै घरको झ्याल बन्द गर्ने क्रममा अविरल वर्षासँगै आएको चट्याङको झट्का लागि गम्भीर घाइते भएका थिए ।
चट्याङ लागर घाइते भएको खबर प्राप्त हुनासाथ अस्थायी प्रहरी पोष्ट बेतिनी उदयपुरबाट प्रहरी टोली खटिई उपचारका लागि प्रादेशिक अस्पताल कटारी ल्याएको जनाइएकाे छ । अस्पतालका चिकित्सकले मृत्यु भइसकेको घोषणा गरेका छन् ।
घटनाका सम्बन्धमा थप अनुसन्धान भइरहेको प्रहरीले जनाएको छ ।
Discussion about this post