गजल

औकात उनको बढेको हो, मेरो होइन
आदत धुनको बढेको हो, मेरो होइन ।

चाडपर्व मेला उत्सव, उनलाई चाहिन्छ
भाउ त सुनको बढेको हो, मेरो होइन ।

आजकल पार्टीमा, रक्सी नभई हुन्न
मादक गुणको बढेको हो, मेरो होइन ।

हल्का नशा चढेपछि, नाचुनाचु हुन्छ
जाँगर खुनको बढेको हो, मेरो होइन ।

छाडा गीत सङ्गीतमै रमेको छ मान्छे
साधक धुनको बढेको हो, मेरो होइन ।

चाकरीमा बडाकै जिहजुरी चलेको छ
चाकर नुनको बढेको हो, मेरो होइन ।

दिप्रुङ चुइचुम्मा–५, नारंगा, खोटाङ
हाल महालक्ष्मी ८, यती आवास,
लुभू, ललितपुर